أخي وصديقي عباس الموسوي ..

بقلم: اياد السماوي ..

چا إذا قانون الدوائر المتعددة زين وخوش قانون ليش ركضتوا غيرتوه بس انسحب التيار الصدري من البرلمان ؟ وليش هسه تردون ترجعون عليه ؟ بعدين هذا أي بلد من بلدان العالم الأول المتقدّم والمتحضر يغيَر قانون الانتخابات بكل انتخابات ؟ أخوية أبو عمار سولفوا الصدگ للوادم حتى تثق بيكم ، گولولهم الحقيقة أنّ محمد شياع السوداني راح يكتسح الانتخابات القادمة وشعبيته بالعراق وصلت إلى أعلى الدرجات ، وتوقعات المراقبين تقول أنّ السوداني سيتجاوز حاجز المليون صوت لوحده في بغداد ، وإذا تمّت هذه الانتخابات فمن المؤكد سيجتاز حاجز ال ١٢٠ مقعد وبسهولة ، وگولوا للناس أحنا ما يروقنا أن يحصد السوداني اغلب مقاعد الشيعة ، ولهذا نريد نعدّل قانون الانتخابات حتى نجرده من هذه الشعبية المتنامية وما نخليه يستفاد منها ، مو تمام بشرفك ابو عمار ؟ وعيونك كل احزاب الإطار التنسيقي مرعوبين من شعبية السوداني ، مو تتصوّر بس انتم بدولة القانون ههههههه ..